وزیر خزانہ سے ملاقات میں 6 گزارشات رکھیں،سینیٹ اختیارات میں اضافے پرمذاکرات کا آغاز کرنے پراتفاق ہوا:رضا ربانی

اسلا م آباد چیئرمین سینیٹ رضاربانی نے کہا ہے کہ میں نے وزیرخزانہ سے ملاقات میں 6گزارشات رکھیں تھیں جبکہ سینیٹ اختیارات میں اضافے پرمذاکرات کا آغاز کرنے پراتفاق ہو۔
تفصیلات کے مطابق چیئرمین سینیٹ رضاربانی کا میڈیا سے گفتگو کرتے ہوئے کہنا تھا کہ میں چاہتا ہوں جمعہ کے روزجو واقعات رونماہوئے ان پرآپ کواعتماد میں لوں اس روز جو ہوا اچانک نہیں ہوا،:مجھے اس حوالے سے نہ کوئی دورہ پڑااورنہ ہی ڈراما بنانے کی کوشش کی تھی ، میرا موقف تب بھی یہی تھاجب میں اپوزیشن یا پھرحکومتی بنچزپربیٹھتاتھااور میرا موقف یہی رہا ہے کہ حکومت وقت پارلیمنٹ کو سنجیدگی سے لے۔انہوں نے کہا کہ ہم نے مشرف دورمیں پارلیمنٹ ہاؤس کے باہردھرنادیاتھااوربطورچیئرمین اپنی پہلی تقریرمیں کہاتھاایوان اورممبران کے وقارکاتحفظ کروں گا، میرے اقدام کا تعلق کسی سیاسی ڈرامے سے نہیں تھا،میرا اقدام ایوان کی عزت اور حق کے دفاع سے متعلق تھا۔